الفلاحة

الفجر شقق وزقزق ونادى فلاحة شيلّاه يا بنت البلد يا ماشية سواحة واخدة الخطا على فين؟ دربك ما هوش باين بالحزن متعصبة دوارة في مداين سكنت قصورك خدم وانتي بتبدي الندم واخدة القدم ع العدم ولا على الواحة؟ شيلّاه يا فلاحة توب الحداد اتهرى م الحزن فكيها سيبي دموع الوهن إياكي تبكيها دي الزفة لافة البلد فرحانة بقدومك قومي ارقصي واحرثي مين اللي هيلومك دا حنا فدا دمعتك بجنودنا ووحوشنا رجالة وقت المحن مين اللي هيحوشنا؟ دوبنا حضنك دفا في محبتك بوشنا يلا يا نبع الأماني بيضي وشوشنا