Ol Mahın Hüsnünde Hal-i Mükerrem

Ol mahın hüsnünde hal-i mükerrem Hacer-ül-esved'dir ey kaşı mihrab Çah-ı zanahdanın çeşme-i Zemzem Cemalin uşşaka kıble-i eshab Görünce yüzünü ey gül'izarım Artar bülbül gibi feryad ü zarım Arzıhal sunmağa kalmaz kararım Kulunum demeğe ederim hicab Yar mahrem edinse kendiye bir dem Bana bin dem gelir hayal-i hurrem Sinem kanun olup bu işe her dem İniler dest-i gam urdukça mıdrab Safa kılmaz deme ol saçı Leyla Ne murad istedin vermedi Mevla Etme Mecnun sıfat ah u vaveyla O da olur gönül sabreyle bab bab Aşık Ömer o mestane bakışlar Gelişler gülüşler tarz-ı revişler Ol la'l-i leblerle dürdane dişler Harab eder seni harab u yebab