Intro (feat. Smokable)

فنجلت البؤبؤ وبرضه مش سايع الوعي سايح سايب نفسي وماسك العالم جامد مش كده المشكلة مش عندي السؤال هل هو قادر يستوعبني هيحزن كام يوم لما يستودعني كام ساعة كام لون مدلوق في المشهد وكام مشهد مكتوب لي أشاهده كام شيطان مكتوب لي أجاهده وأناهده زي عيسى الحلم بيتكلم في مهده ويا ريتهم بيأمنوا لا بيتولوا فبافضي نفسي وأقعد أسمعه أشوف بيقول ايه باخده من إيده وأسايسه وألاعبه فيجري وأنشغل ولما أرجع له يكون كله الذئب فوجئت، بس مش أوي ما كله منقوش في سلاسل الحمض النووي مكتوب إحنا بنسمع كلامه مش أكتر بنلون جوا الخطوط وأهم حاجة منطلعش برا ومش هنطلع برا محبوسين، فساعات كتير بافكر أمشي وبحاول بنص ذمة أطلع فوق أشوف هل كذب المنجمون أحط النجوم في عينيا أطفي كام واحدة بصباعين زي الشمع عشان أعمل إضاءة أخفت باشوفك أحسن في الضلمة باحكيلك لما تسمحلي بكلمة فالتانية فالجملة تتكون وكل جزء يرن في أرجاء الكون مفيش نوم فوق في سديمك الاستفاقة مستديمة واللي غافل نيته مش سليمة متوتر غمضت عيني مستني السكينة وسط الركام المتنتور دبيت برجلي عمياني وفتحت عيني على كلام متبعتر الذرات نقط والجاذبية بتشكل الحروف بتمهل سؤال، هل التوسل إني أشوف اللي نفسي أشوفه ولا إني أستناه يترسم ويتحقق