El Sa3a

بص الساعة واقفة على الحيطة سامعة كل الزيطة لامحة كل كبيره وبسيطة واقفة تعد - العمر يهد - ايام بتجري - الوقت يشد - اكنه سباق فين ايام ما كنت صغير اجرى فى بيتنا فنفسي احير - بس كله اتغير كبرت كفاية على اللعباية - ذقنك دى ولا فورشاية تاكل كيلو بدل منجاية لعبت تحت الشجرة - استنيت نزول المطرة دلوقت كبرت فى الحجم فردت - حصل ازاى اكني نعست فاتت مدة فيها الفرح و فيها الشدة حال الدنيا اتشقلب البس مقلب كنت بتحلم تبقى كبير - كنت فاكر لسه كتير فاكر لما كنت تشب دلوقت طولت تفك اللمبه من على الارض عملتها الساعه وياك جريت بيك فين وخداك لفت لفه ولا حسيت ريحة العمر يدوب شميت الحال بقي غير الحال و الفكر سكن البال انا حاسس بيك علي كتفك حمل يهد جبال تيك تاك كل تكة من الثواني تاخد حتة من زماني واللي فات مش جاي تاني بس بكرا هيستناني تيك تاك شيلت حجرها و برده تعد في اللي فاضل عايزة تهد فضلت اشد و هي تشد X2 مين يصدق ام ضفيرة - واقفه حلوه كبيرة عروسه تستاهل الغيرة - فعنينا دهشه وحيرة العرسان واقفين طوابير - شبكة و مهر حط كتير الجسم كله اتغير - حتى الوش ملامحه تحير ولاحاسه حصل ازاى ولا نقدر نقول اسباب لعبة وقت قلبت جد برضه الساعة وخداها جد في ايدي صورتها ماسكة عروسة اهى قدمنا قاعده فى كوشة امها ولا حاسة ايه بيجرا - من كام يوم ادتها الرضعة و تجري الدنيا - النهارده هما عيال يومين تلاتة يبقوا كهال شفت الساعة ضربتهم زمبة - بس الضربة طلعت جامدة هو العمر بقي بيدوب - ولا الساعة قاصده القلوب بص الساعة واقفة على الحيطة واقف في المراية سرحان في الشعر الابيض حيران فاكر لما كان عريس كان معاه هوندا ريس شاب جيم و فورمه عريس جديد شايل مولود المولود بقى اب و الشاب الجان بقي جد تيك تاك كل تكة من الثواني تاخد حتة من زماني واللي فات مش جاي تاني بس بكرا هيستناني تيك تاك شيلت حجرها و برده تعد في اللي فاضل عايزة تهد فضلت اشد و هي تشد X2 خلينا نلعب قط و فار هجري وراك و انت هتهرب زي صعيدي هربان مالطار هخلي الوقت يفوت زي القطر يعمل تووت هسرع كل حلو هبطئ كل صعب السنة هتجري زي الشهر الشهر يعدي زي اليوم اليوم اكنه دقيقة انكر خبي بس هيفضل كل كلامي حقيقة ياما كتير حاولوا من قبليك دنا اقدم اأخر العب بيك زنقاك و انا ثابتة مكاني و صوت خطاوية تك ثواني