Fasnacht

Wenns am Mäntig-Morge vieri schloht Und dr Mond no häll am Himmel stoht Wird's dunkel in dr ganze Stadt Alli Liechter gön denn nämlig ab Gschpängstig, herrlig, schön und kalt wenn dr Morgestraich durch d Gasse hallt Pfyffe, Drummle, gross und glai Die ganzi Stadt isch uf de Bei S isch Fasnacht, wenns Räppli schneit Dr Waggis us em Waage schreit S isch Fasnacht, wenns pfyfft und dätscht Dr Binggis e Dääfi kätscht S isch Fasnacht, die Drey Scheenschte Dääg Fasnachtskiechliduft und e Zauber in dr Luft Gugge, Clique mit Sujets Kasch am Nomidag am Cortège gseh Waggis bäägge schrill und lut Stopfe di mit Räppli bis uf d Hut Zobe Gässle gryz und quer Durchs Larve-Goschdym-Farbemeer Luege, stuune, d Zit stot still Klar, dass no niemer heime will S isch Fasnacht, wenns Räppli schneit Dr Waggis us em Waage schreit S isch Fasnacht, wenns pfyfft und dätscht Dr Binggis e Dääfi kätscht S isch Fasnacht, die Drey Scheenschte Dääg Fasnachtskiechliduft und e Zauber in dr Luft S Gugge-Konzärt; kei Rueh Druggede ghört au drzue Im Käller zu Spiis und Drank Kunnt noone Schnitzelbangg Drey Dääg sin voll bepackt D Mensche im gliiche Taggt Dr Ändstraich bringt Glügg und Schmärz Doch witer schloht di Härz Fyyr d Fasnacht, wos Räppli schneit Dr Waggis us em Waage schreyt Fyyr d Fasnacht, wo's pfyfft und dätscht Dr Binggis e Dääfi kätscht Fyyr d Fasnacht, die Drey Scheenschte Dääg