Herbschtmäss

Es herbschtlet sehr und s isch kalt in unsrer Stadt An de Bäum do hängt kei einzigs Blatt Und drfür isch am Boden alles bruun S Mässglöggli lüttet vom hoche Martinsturm Alli wänn uf d Bahne, es glicht eme Stuurm Ich lueg und ich los und ich stuun Ändlig, ändlig ischs wider Zit Für Maagebrot und wildi Rytt Uff dr Achtibahn, in dr Geischterbahn und uff dr Schwäänlibahn Zuckerwatte, Rösslirytti S Rieserad stoht in dr Mitti Wenn z Basel wider Herbschtmäss isch Fischli-Fange, Büggse schiesse, Beggeschmutz und Mandle gniesse Wenn z Basel wider Herbschtmäss isch Wenns dunkel wird, schyyne d Liechtli hell in d Nacht D Muusig, die dröhnt, und s Münschter, das lacht «Liebe Götti, bikum ich e Ballon? Hunger hani au, uff Massmöggen und Wurscht Kunsch mit mir uf d Rutschbahn, doch zerscht hani Durscht» Ich bi wiene König uff em Thron. Ändlig, ändlig ischs wider Zit Für Maagebrot und wildi Rytt Uff dr Achtibahn, in dr Geischterbahn und uff dr Schwäänlibahn Zuckerwatte, Rösslirytti S Rieserad stoht in dr Mitti Wenn z Basel wider Herbschtmäss isch Fischli-Fange, Büggse schiesse, Beggeschmutz und Mandle gniesse Wenn z Basel wider Herbschtmäss isch Petersplatz und Schoggifrücht Geischterbahn - uh! - ich glaub, ich flücht Münschterplatz und Tintefisch Maagebrot, so siess und frisch Petersplatz und Schoggifrücht Geischterbahn - ich glaub, ich flücht Münschterplatz und Tintefisch Maagebrot, so siess und frisch Petersplatz und Schoggifrücht Geischterbahn - ich glaub, ich flücht Münschterplatz und Tintefisch Maagebrot, so siess und frisch Zuckerwatte, Rösslirytti S Rieserad stoht in dr Mitti Wenn z Basel wider Herbschtmäss isch Fischli-Fange, Büggse schiesse, Beggeschmutz und Mandle gniesse Wenn z Basel wider Herbschtmäss isch Wider Herbschtmäss isch