Zämme dehei

Kindsgi, Schuele kinderlos Was isch denn uff eimol los Mir sin gfange. Das ka doch nid si Kinderstimme sin verstummt Doch los wär no e Liedli summt Unermiedlig – dr liebi Rhy Heb kei Angscht, mir sin mitenand Und durch das Lied, gänn mir uns alli d Hand Denn trotz Corona, bisch du nie elei Sing mit mir das Lied, und scho simmer zwei Oder drei, vier, fünf, säggs, siibeduusig Statt Sorge mache mir lieber Muusig Lueg zem Fänschter uss, du bisch nid elei Mir sin zämme dehei Mir sin zämme dehei Lääbe in de Zimmerwänd Blyyb deheim und wäsch mr d Händ Voller Hoffnig, es goht verby Loos de Vögel dusse zue D Sunne schiint und voller Rueh Singt witer – dr liebi Rhy Heb kei Angscht, mir sin mitenand Dr Abstand bringt is nöcher zunenand Denn trotz Corona, bisch du nie elei Sing mit mir das Lied, und scho simmer zwei Oder drei, vier, fünf, säggs, siibeduusig Statt Sorge mache mir lieber Muusig Lueg zem Fänschter uss, du bisch nid elei Mir sin zämme dehei Mir sin zämme dehei In d Schuel go, wieder schriibe, moole S Geburtstagsfeschtli nochehole Wider dur e Zolli laufe In allne Läde Sache kaufe Im Restaurant go Pommes Frites ässe S Wäsche vo de Händ vergässe Ändlig wieder dusse lache Em Grosi go e Bsüechli mache E Grund ha für zum s Sackgäld spare Ändlig wider Fähri fahre Fründe träffe, das isch gsund Wieder mol in d Giige-Stund Geduld. No biz Geduld Denn trotz Corona, bisch du nie elei Sing mit mir das Lied, und scho simmer zwei Oder drei, vier, fünf, säggs, siibeduusig Statt Sorge mache mir lieber Muusig Lueg zem Fänschter uss, du bisch nid elei Mir sin zämme dehei Mir sin zämme dehei Und wemme wieder dörf, nimi di in Arm Lo di nie me los. Lo di nie me los