Meng Siicht

Ech berichten aus dem Liewen Wann ech dës Wierder verfaassen Ech berichten aus dem Liewe wann ech dës Wierder verfaassen A befaasse mech mat Saachen déi mech belaaschten Et gëtt näischt ausser dat hei, wat daer besser weist wéi ech sinn A gesi wéi se ginn, obwuel se net wëlle goe wou se ginn Ech sinn E Resultat vun deem wat ech wëll sinn An ech schreiwen, beschreiwen iwwer Saachen déi ech gesinn Ech stinn Tëschent zwee Still wou kee wëll Platz maachen Well kee weess wou seng Platz ass Well wanns de net an d'Schema pass fir meescht eng Laascht bass Wat ass d'Thema? Ma t'ass net virginn Du muss net dogéint oder dofir mee muss am renge mat dir sinn Ginn awer dogéint wa si maer wëllen eppes virginn Well nëmme mäi Kapp entscheed Wéi meng Been no vir ginn Ech ginn e Bild vir a si fir Kanner een Virbild Kee weess weiee Film sech a mengem Gehier spillt Awer keen deen eppes virspillt Wa mir eppes zousteet Ech dat net gären hierginn Wa Resultater sou falsch si wéi d'Laache vun deenen déi gewielt ginn Ech berichten aus dem Liewe wann ech dës Wierder verfaassen Wann een net mëscht wat vun engem erwaart gëtt Droe keen Kräiz awer spieren d'Energie déi maer Kraaft gëtt Gerechtegkeet wou mat Schäiner kaf gëtt Mënschen déi roueg sinn Wann et ze haart gëtt Ween entscheet gär iwwer mäi Kierper? Wann ech gesi wéi d'Mënsche matenee sinn da feele maer d'Wierder Meenungen ännere wei d'Wieder Probleemer bleiwe wéi däi Kär E Laache kann täusche wann d'Séil ënnerlech bläert E Verhale kann ännere wann een am Ënnere fäert En Zil léisst ee gleewe well en dech ëmmer rëm stäerkt Net alles ass fair An net alles ass et derwäert Net alles wat ee fillt kritt een a Wierder erkäert Dofir looss mech probéieren daer meng Siicht ze beschreiwen Eng Méiglechkeet daer en Abléck a meng Welt ze weisen Du gesäis mech kämpfen Ech gesi mech verteidegen Gedanke gi festgehal well ech schreiwe rëm Ech berichten aus dem Liewe wann ech dës Wierder verfaassen