Pluto (Isang Liham)

Isang mundong nakatingin Sa iyo, sa malayong Ibayo ng sangkaarawan Pinagmamasdan bughaw at luntian Mong ganda Kinulayan ang buhay Nais na makilala ng tunay Mundo, sa malayo Kumikinang, nangniningning Sa kadiliman Ng kalawakang kinatatayuan Isang planetang 'di maabot Umiikot sa sinturong puno ng bato Ninanais mapansin kahit na malayo Ang pagtingin, buo parin ang pusong Umiikot sa sinturon, tuwang-tuwa Pagnakita ka na sa gitna ng liwanag Sumasayaw sa ilalim ng mga tala Oh, Mundo Sana ang landas ko Ay sa iyo Ang tungo Malayo ngunit may pag-asang Mapansin ng iyong mga mata Hanggang tanaw nalang ba Payag bang kilalanin ka na (Nagmamahal) Pluto...