Cerddwn Ymlaen

Bu'r Cymro yn cerdded y llwybrau cynefin drwy'r oesau Yn crafu bywoliaeth ddygysur ar gaenen o dir Yn gwarchod ei fywyd wrth warchod y noethlymun erwau Wrth ganlyn yr arad a dilyn yr og ar y ffridd Dringodd y creigiau a holltodd y llethfaen yn gywrain Tiriodd i grombil y ddaear i geibio'r glo Gwnaeth gyfoeth i eraill a gwelodd gyfeillion yn gelain A chyfoeth 'rhen ffydd a 'rhen eiriau oedd ei gyfoeth o Ond cerddwn ymlaen, cerddwn drwy ddŵr a thân Cerddwn a ffydd yn ein cân, ymlaen A cherddwn ymlaen, cerddwn drwy ddŵr a thân Cerddwn a ffydd yn ein cân, ymlaen Cerddwn ymlaen Bu farw Llywelyn, Llyw olaf y Cymry'n Nghilmeri Saith canrif yn ôl ar yr eira diferodd ei waed Ar bicell fe gariwyd ei ben ar hyd hewlydd Llundain A'r dorf yn crochlefain i ddathlu'r fuddugoliaeth a gaed Saith canrif o ormest caethiwed a gafwyd ers hynny Saith canrif o frwydro a dioddef dan gyfraith y Sais Ond er dicell bob bradwr a chynllwyn pob taeog a chachgi Mae'r Cymry ar gerdded a'r bobl yn codi eu llais A cherddwn ymlaen, cerddwn drwy ddŵr a thân Cerddwn a ffydd yn ein cân, ymlaen A cherddwn ymlaen, cerddwn drwy ddŵr a thân Cerddwn a ffydd yn ein cân, ymlaen A cherddwn ymlaen, cerddwn drwy ddŵr a thân Cerddwn a ffydd yn ein cân, ymlaen A cherddwn ymlaen, cerddwn drwy ddŵr a thân Cerddwn a ffydd yn ein cân, ymlaen