Med Jesus Vil Eg Fara

Med Jesus vil jeg fara på livsens ferd i lag. Gud, lat den samferd vara alt til min døyand dag! Det er mi høgste æra, det er mi største ros, Hans fylgjesvein å vera og vandra i hans ljos. Min Jesus, sannings stjerna, lys upp min myrke veg! Mitt hjarta vil so gjerna få fylgja etter deg. Du lyser enn i verdi som før frå Betlehem. Ver du mitt ljos på ferdi, til heim med deg eg kjem! Min Jesus, Sarons lilja, bløm fagert upp i meg! Lat ingen ting meg skilja og riva burt frå deg! Du vintre i Guds hage, min kjære Herre Krist, Unn også meg den lage å veksa som din kvist.