El vecio cantastorie

Su en te na malga viveva un cantastorie El viveva lì da sol e scriveva le so memorie De la so fameia era resta sol che lu E de na vita sempre en giro no 'l ghe la feva pu E alor lassù en montagna el s'era ritirà Per scampar da sto mondo che 'l lo aveva abandonà Dopo tanti ani de tribolaziom El cantava le so storie ai viandanti E ai prati in fior El viveva su en Lessinia con quatro vache e 'n vecio trator El magneva pam e lat sia per disnàr che per colazión Ogni tant na polentina con un poco de spezzatin Ma soltanto en tei dì de festa e compagnà con en bicér de vin En te quei momenti che se sentiva sol El soneva la chitara E 'l scriveva le so canzon Perché l'era en cantastorie ma per disperazion La so vita l'era sta sol na grande delusion Quindi lasélo su da sol ne la so desolazion Che no ghe serve pubblico per le so canzon Durante la so vita tut el mondo l'aveva girà Ma 'rivà a settant'ani senza niente 'l s'era trovà No 'l s'era fat fameia, no 'l g'aveva pu en paron Perché ormai da zinque ani l'era na en pension E l'era pien de schèi de cui no 'l saveva pu sa far Anca perché no gh'era nisuni che li podeva ereditar Quindi 'l s'è comprà na malga e quatro bestie da slevar Per viver come da bocia senza niente En mez a 'n prà Perché l'era en cantastorie ma per disperazion La so vita l'era sta sol na grande delusion Quindi lasélo su da sol ne la so desolazion Che no ghe serve pubblico per le so canzon