استشراق داخلي

شوف صحيت لحالي كسّرت كل منبهاتي أخذت دوش علشان أعرف أفوت بحياتي ضغطت زر الثقة بالنفس زبطت شعراتي هذا كله بس عشان أعرف أوصل وأقول لكم الآتي مش رح نظلنا تحت رح نطلع لفوق ونعلى رح ندحش إيدنا بالمستقبل نتناول عيشة أحلى ما تنسوا إنه دم الشهيد زي النبيذ لما بتمر الأيام والسنين بيتعتق وبظله يغلى فبوجه الحزين اللي فينا نخلي الغيوم تراضينا نعلي العيوب اللي فينا نقلل الديون اللي علينا نتكاتف، نتكاثف تختفي الطيارات لما تخش فينا نطلع مشاعرنا على الهوا زي أبو مينا فالقامع والمقموع ممانع الممنوع فكر انهزامي يُموَّل ويصبح مزروع بس الجيل الثالث في الداخل بدأ بالرجوع ما صحيتش اليوم ع الفاضي قال شرعا المشروع فرع المداخل كنت عطشان لقيت ينبوع لا مستني موافقتكم ولا المرئي والمسموع أنا مش عم ببيع تطبيع ضروري تصير تميّز ركّز يا كويس البحر كويس يا ريس فا تفيّز ما تفيّز مش هذا هو السؤال بحلق بالتصريح هذا الإحتلال أنا إبن لاجئ على السكيت حب يشوف البيت فاتمسكت بطبون سرفيس الجسر على شارع الاستقلال هاي الأغنية للكل أغنية زي الفل مش ردة فعل ولا انفعال ولا فشة غل خلوا كل واحد يقاوم بطريقته لإنه الإحتلال بكل الأحوال واقف بطريقه وشوفني إستشراق داخلي واستغراب، من الجميع إستشراق وإراقة الدم كان في العراق الدم كان نفسي أكتب تدفق ما فيه ملام كل ما ألحن أغنية بتطلع على نفس المقام إحنا شعب مهزوز شعب مُستفز فاتحمسنا على الربيع زي دودة القز تتعدد الطرق بتعدد المسالك ليش دايما بدكم الأكثر عموما من ذلك أنوار التفاؤل ميّلت قلت لها كيف حالك؟ مين اللي قال لك إني لقيت لنفسي طريقٌ سالك هاي الموسيقى تحصرهاش بسميات نصيحتي الإيقاع طير مهاجر أخذ إستراحة بحديقتي مش رح أحصر العمر بعدد الدقات اللحن ثورة على الذات إذا صار إلي شبيحتي ألوان كثيرة ومخلوطة لأي لون بتميل أي إشي بتحاول تروجه رح أعمل منه بديل سميها موسيقى بديلة مواقف نبيلة الهوس بالآخر التعصب للقبيلة أنا عم بحاول أبالغ بس بتظلها قليلة بر الأمان خشبة مكتوب عليها بأية وسيلة برة عمان طلع الجمهور حافظ التفعيلة فعم ننتشر على كل الأقطار زي الأرجيلة أخوك الفرعي الإشي العربي اللي عم بتحس فيه من فترة بكره الصورة النمطية وبكره هاي النظرة في بنت بين الجمهور زاكية وعينيها حور لازم تعرف إنها منسجمة لإنها حاملة بقلبها جمرة قال كيف كانت بيروت شايفني طالع سهرة أنا مش سائح سجّان أنا واحد من الأسرى أنا من آل عمران فأختي بتكون العذراء بتظل الأرض هاي كلها إلي لو بقسموها مية مرة شوفني إستشراق داخلي واستغراب، من الجميع إستشراق وإراقة الدم كان في العراق الدم إستشراق داخلي واستغراب، من الجميع إستشراق وإراقة الدم كان في العراق الدم