الامام | مجرة رذيلة

صوتي صاير صامت, حيطان سودة حولي الألوان للتقسيم إنسي قزح عندي حولي حولي من 12, والحال مأساه تبكيش ع اللي راح بس إبكي ع اللي رثاه مش كل إشي بتتمناه لازم يوصل عندك لو لبست هومي, بتوصل لزندك أنام ملئ جفوني, الهم شارد ع كتافي كُل الناس تعبانة, فمين يكون شافي لسه الفرحة بعيدة, هجرتنا زي زمان لو هيك القصة سهلة لرجعت غادة لغسان الورد ذبل هان, الهم دَبِل كمان بطل في أمل وإنقطع وتر كمان طالع أنا مهاجر تارك خلفي كل خلّاني ما كنت بدي أهاجر مشكور الوضع خلّاني أمّنت من البداية بتمشي القصة بسهولة أنا ضحية المنتصف, خدعتني الدهشة الأولى هان العيشة مُهينة صِرت مأخوذ رهينة فش أي حاجة معينة والمعاملة ذليلة الحرامي حارس المدرس مش دارس النذل أصبح فارس فالمجرة رذيلة الأمل غايب, القلب دايب الحيل مهدود والوضع صار سايب الشّيب عبّا القلب الفكر لليأس رهينة مش مفكّر بمستقبل غير هجر هذه المدينة طارت الأحلام ترفرف واجهت مقص رجعت ع الأرض مكسورة, طير وجناحه إنقص نص الكاسة المليان, بدا يسرب تقول فيّ لعنة ممنوع للفرحة أقرب مسكون هذا البيت للفشل حقل تجارب ع زاوية الحيط في ساعة بدون عقارب الشط رمله جف والميّة تعبت ع قارب رقص الوجع ع دف ما خف بعد قرص عقارب العشرين ضربة الأولى, مليانة بالوجع بعدها إنفقد الإحساس وإتعودت ع الوضع يا بتعيش مذلول, أو بتموت صامت عمره ما بيطلع حق لو بتضل شيطان ساكت هان العيشة مُهينة صِرت مأخوذ رهينة فش أي حاجة معينة والمعاملة ذليلة الحرامي حارس المدرس مش دارس النذل أصبح فارس فالمجرة رذيلة