الامام | بحكي

بالغرفة سهران سرحان بحروفي بكتبلك غزل يمكن ييجي يوم تشوفي كأنك كعبة حوالين حالك طوفي بسمع عتابا وطرب شعر رواحنية وصوفي بس الوحدة بتتعب وبترمي جوا حبس الغرفة معبية سجاير وكتب علم نفس بيدق باب الليل إفتح للكئابة حتضل دايق الويل منتا شايفها صبابا فش معنى للكتابة فش نفس تطلع حرف بس جواتنا وجع ممنوع من الصرف روتين مش ممل لأنه بتحكمنا عادة فيروز وجه الصبح فنجان قهوة سادة هالحياة سجن كلنا مساجين بنحكي على بعض وكلنا مساكين لازم أشكر الحياة من ولادتي نازلة فسخ وشكرا نضاراتي ورتني العالم وسخ كل إشي بيروح الكل مر قدامي عايش دور المشاهد وأنا بطل كل أفلامي بعمل كل إشي إلا الإشي اللي بدي إياه فيك تحكي شارد من الحلم بدل م أجري وراه جاهز لأي مصيبة من صاحب أو حبيبة مفش عشم فبتوقع منكو الخيبة بكونش علاقات مش مهتم أحكي أصلاً فش كاتب بيكتب كتابه غصباً القلب بارد بتخلى بشكل فاجر تشوفش حالك معي إنك إشي النادر أتوقع مش غرور ولا شوفة حال ع فكرة إكتفاء كبير بحالي بهاي الفترة إكره صراحتي وفيك تكرهني برضه كل النفاق ما بينكو ههه .يفضح عرضه فش محبة واضحة لازمكو قناعة حتضلو تحبو بعض حتى تكره بشجاعة