الامام | عيد ميلاد

زي هذا اليوم أول دمعة نزلت مني أنا ميت بُكى بس الضحكة بعيون إمي شُفت ناس بتهني ألف مبروك لما تكبر يبني كون راجل زي أبوك كأني مولود جوا قبر قاعد بحتضر كنت صغير بسجن بطن أمي و السجن كِبر الدنيا صارت ضيقة ع صدري جبال هموم الحروف تقيلة سطري منبعه من هون لما أكون ميت ضحك إعرف جوا ميت وجع لما السكتة تشد ع النفس إعرف الصمت مش دلع عشت يتيم بديش اللغة تعاني زيي فصرت أبوها وهي بعز العتمة ضيي عيشني جو كتابة بحرق معلقات نُص الحكي كئابة فاشل بالعلاقات كتير بكون وحيد لأنه الصمت لغة نفس إيش فايدة الحرية وأنا جوا نفسي حبس من كُثر الدموع حنّت علية المخدّة وكل ما الحلم يكبر بشوف مليون مهدّة لازم تخلّص هالعدة بعد مُوتي بكم يوم تستنوش الأربعين تحزنوش قبل النوم تلبسوش أسود بكفي سواد العُمر دمعة يوم الولادة ودمعة يوم ما أنزل القبر زي هذا اليوم آخر ضحكة طلعت مني بالوداع أنا مرتاح بس الدمعة بعيون إمّي