مش إنفصام | not schizophrenic

حياتي غلط حياتي غلط فش إلها حل لو فكرت إني أحلها فالحل بده حل كلام كتير في قلبي وفش فايدة لو طلع لأنه إللي بده يسمع من صمتي زمان سمع مش مُجبر إني أحكي يمكن التعبير يخون لأنه إللي في سري لو طلع لا أدري ما يكون لا أدري من يصون لا أدري من يخون ليش سري يطلعلك لا أدري من تكون لأجلي أن تكون بس في حالك ووفر النصيحة وإعمل كل ما حلالك غادر أرشيف ذاكرتي بالمرة ترجعش من هيك أشكال كتير مرّوا عليّ ومبتفرقش من حبيبتي اللي خانت لصاحبي اللي باع لصاحبي الوفي لما راح محسبش الوداع لأبوي لما مات قبل ما أوعا ع الحياة لأمي لما بتحكي يا ربي طوق النجاة ومشى الخوف بي ومشيت به حافياً ناسياً ذكرياتي الصغيرة عما أريد من الغد لا وقت للغد أمشي أهرول أركض أصعد أنزل أصرخ أنبح أعوي أولول مر عني كضيف وطيف وبديش تحكي مرحبا في وجهي كون حبيب وإطعنّي لو مر حدا هذه أول مرحلة في ذُوقت أمر حلا أنا بين إيدي صار المر حلا الناس لاموني ليش مخبي همومي في ما فكروا للحظة همومي سرمدية خيال بيحاكي واقع الواقع أنا بعيشه خلط واقع بخيال بيصير صعب تطنيشه برا قلبي وردة جوا قلبي شوك رباني الشارع إنه لولا المصلحة ما حبوك ما تبكي ع الغوالي لو أجا يوم وباعوك لأنه الدنيا علمتني فش بعد أمك وأبوك الله يرحم جدتي بيوم حكتلي حكمة لما الدنيا تضحك الناس حواليك وزحمة وبتعرفش النظيف غير وقت الأزمة تقول كنتي عارفاهم ع روحك ألف رحمة عشر دقائق تكفي لأحيا مصادفة وأخيب ظن العدم من أنا لأخيب ظن العدم