Dezembersonn

Dezember I hock e dr Sonn Ond frog mi woher des konnt Dr Luft nemmd oefach älles mit Ond dei Dega wud gsond Frialingsvegel dänds mr gleich Ganz kutz deg I, I irr vielleicht Doch dia gschmuddrada Resle Sagad au S'isch Weihnächda gau Send Epfel it dia scheeschda Kugla Gang doch nom ond holl dr oen I woiß ma sott it bloß schneall hudla Aber später fendsch vielleicht koin No miasa mir do naus Ond dr Epfelbom isch gsai No geits do koi Haus Ond koine Epfel mai E dr Dezembersonn Doch isch's it ellaweil so Aos lauft koi Zeit davo Ond ma genießt nono Dia Dezembersonn A ganz bsonders Jubiläum geits E dr Dezembersonn Ond wer woiß vielleicht schneits Bis derweil Stetig isch nonz – I woiß Aber des isch grad schee Ond isch's im Dezember hoiß Mach I mir oefach an Tee Ond sitz nauß E dia Dezembersonn Doch isch's it ellaweil so Aos lauft koi Zeit davo Ond ma genießt nono Dia Dezembersonn