Hoffnung

I bin nu recht jung - bin a kluana Bua I mecht' enk was sag'n - es lasst mi kua Ruah I ku kam nu schlaf'n - hab schlaflose Nächt' Weil i allweil dru denk - was Corona von uns mecht' Die Ampl auf rot - leider nid auf grian Es ist zum verzweifl'n und sicher nimmer schia Früher ham die Leit' - viel öfter g'lacht Es ist zum reagn - was Corona aus uns macht' Oba, a bissl a Hoffnung hat i decht Wenn di Leit vernünftig tuan - des war nit schlecht An Abstand halt'n - wia a kluana Elefant Weacht's seh'n dann geht's bergauf - in unser'n Land I hab' mi g'freit - dass mei Freund heit' kimmt Mia ham uns umarmt - und g'merkt dass was nit stimmt Die Mask'n vergess'n - a saudumme G'schicht Mia können g'rad hoff'n - dass des kuana sicht Weit ham mas bracht - auf dieser Welt Alles was zählt - ist Reichtum und Geld Vom Klima Wand'l - mecht' i gar nix sag'n Die Welt weacht des sicher - nimmer länger vertrag'n Oba. a bissl a Hoffnung hat i decht Wenn di Leit vernünftig tuan - des war nit schlecht Nett sei miteinand' - mit viel Herz und mit Verstand Weacht's seh'n dann geht's bergauf - in unser'n Land