الحزن [Original]

الحزن كنّه واحد من أخواني مبطي وأنا وياه ربع ورفقه من صغر سني للكبر خاواني ولا غاب تاخذني عليه الشفقه مثله مثل من بالهوا عنّاني أقفى وأقفت غيمته مع برقه مدري أنا المجني أو اللي جاني مدري جنون الحب والا الطفقه ..؟ بالقلب زادت غيبته نيراني والله يعين عروقه المحترقه الليل يمضي والسهر عنواني وصرت أسرق النومه لعيني سرقه عاشق وأحب ومغرم وهيماني والشوق زود داخلي من عشقه أن جيت أجيه بلهفه وولهاني وأن رحت رحت وبي عليه الحرقه متى على الله تنجلي أحزاني والشعر وقت الضيق نطرق طرقه بس الاكيد الحزن ما خلاني وقربه ذبحني والمفارق وهقه الحزن حسبة واحد من أخواني دايم وأنا وياه ربع ورفقه