Hinger Gitter

Es geit witer u am Schluss isch nüt me da Has verlore, häts nie freiwiuig la ga Es het immer müesse da si, Tag für Tag Dases ohni nid wär gange: usser Frag I has ghäbt u trotzdäm ischs nid besser gsi Ha di ganz Zit geng me Angst gha s sig verbi Ha mi parkiert u sehr lang isch o nüt passiert I has brucht, hät ohni nid lang existiert Hinger Gitter isch z überläbe schwär Ha mis Glück gfange gno, ha iz nüt me dervo Hinger Gitter isch z ganze Läbe läär Es hets nüm vertreit, i ha verseit Immer das Gfüu öpis fäut Geng uf der Suechi, uf ewig verdammt Es längt nie wasi ha uf der Wäut I de Fessle verhänkt ufem Sofa us Samt La nid los, wasi lengstens nüm wot Wasi bruche fahrt vor mine Ouge verbi Beidi Häng hani vou, nume Schrott Cha nid grife, mues losla, das gsehni nid i Es isch leider haut geng wider so I wot d Fakte nid wahr ha, verweigere mi Aui chance versteckt, irgendwo Uf der Flucht vor mir säuber, weiss nüm wär i bi Ha mer d Handschäue säuber montiert U der Schlüssu zum Fänster us wit la versinke Ha d Motivation exportiert Bi di ganz zit der Zit hingernache am hinke Es geit witer, isch scho lengstens nüt me da Hätis nur mau müesse freiwiuig la ga Dases geng het müesse da si, Tag für Tag Hets kabutt gmacht, isch nüm bruchbar, usser Frag I has ghäbt, has nid i rue gla, has zerstört I mire Angst öpis z verliere nüt me ghört Ha mi verfange, nüt me gspürt u nüt me gse Wie imne Gfängnis, ohni Plan, ohni Idee Hinger Gitter isch z überläbe schwär Ha mis Glück gfange gno, ha iz nüt me dervo Hinger Gitter isch z ganze Läbe läär Es hets nüm vertreit, i ha verseit