heri friese slaapleed no.34 şarkı sözleri
SLAAPLEED NO. 34 ( Klaus Groth / * Heri Friese * )
De Welt is rein so sachen, as leeg se deep in'n Drom
Man hört ni ween' noch lachen, se's liesen as en Boom
Se snackt man mang de Blœder, as snack en Kind in'n Slap,
Dat sünd de Wegenleder vœr Köh un stille Schaap
* Nu geit to End de Dag – de Mond dar baben höllt sien´ Wacht
De Kinner dröömt all lies un sacht – un wi ward ok glieks slapen.*
Nu liggt dat Dörp in'n Dunkeln un Nęvel hangt dervœr
Man höört man ęben munkeln, as keem't vun Minschen hęr
Man höört dat Veeh in't Grasen, un Allens is in Fręd
Sogar en schüchtern Hasen sleep mi vœr de Föt
* Nu geit to End de Dag – de Mond dar baben höllt sien´ Wacht
De Kinner dröömt all lies un sacht – un wi ward ok glieks slapen.*
De Welt is rein so sachen, as leeg se deep in Drom
Man hört ni weenn noch lachen, se's lisen as en Bom
Dat's wul de Himmelsfręden ahn Larm un Strit un Spott
Dat is en Tiet tum Będen – hör mi, du frame Gott!
* Nu geit to End de Dag – de Mond dar baben höllt sien´ Wacht
De Kinner dröömt all lies un sacht – un wi ward ok glieks slapen.*
