DJANGO oder Eine Frau Sah Rot

Django oder Eine Frau sah rot Er wor a Kopfgödjäga und a Revoivahöd Sei Börserl woa fost imma voi, mit schnö vadientn Göd Und es kriagt a jeda Gauna, auf den a hocher Preis Feichte Händ, a feichtes Hoserl und de Stirn volla Schweiss Vua Django, Django waunn er pleite woa Weu daunn knoit er olles nieda - und da Sheriff zoit in boa Django woit a Freindin finden, oba er hot ka Talent Er woa zwoa a fescha Maunn, oba es störn eahm seine Zähnd. Und so sogt er daunn zum Zauhnoarzt, vatraulich und ned laut Stö da vua, neilich beiss i glott mei Braut In die Backerln, wia i mit Ihr schmusen wollt Do ziagts ma ane übern Schädl - mit mein eiganen Colt Jetzt hot ers endlich gfundn, etwas mollig de Figur Cirka hundatneinzig Kilo, oba Django der sogt nua Die normalen Werte, de zöhln fia mich nicht Sie pfeift auf meine Beissa und mi stört ned ihr Gwicht Jo des is Django, Django wia er wiaklich woa Unerschrocken, topfer, mutig - a bissl wauhnsinnig sogoa Er woa zwoa da schnöllste Schütze, a jeda fürchtet ihn Nua amoi woar er miad, und jetzt is er hin Sei Frau hot eahm daschlogn, mit ihra linken Brust Wia er amoi ned wolln hod, oba sie woa voller Lust Des woa Django - a echta Höldntod Auf sein Grobsta steht geschriebn: Eine Frau sah rot