Alessandro Di Marco

Den boot vertrok begin mei Zijn moeder zwaaide hem uit Ie had een blaadje mee met de name Van de straote van een nichtje in l' Amérique Ie had 't get alhier met d'armoe Ie wilde de weireld zien Tegen 't geluid van de golven al riept ie Komt uit, komt uit, komt uit, american dream D'n overtocht was d'helle Iedereen aan boord werd ziek Allene de sterktste overleefden En achter een maand van dolen, eindelijk land in zicht Ellis Island was smerig Teveel volk, te weinig strand Nog 't juiste papier en nen stempel En ie is binnen, ie is binnen, ie is in 't beloofde land Maar werk vinden als vreemd'ling was moeilijk Wie eit er wuk beloofd Een leven opbouwen da ging niet Zelfs nie met het zwaarste en 't vuilste werk aan 't spoor Zijn nichtje vroeg: "kan ik helpen?" Maar daarvoor was ie te trots dien treinbiel viel van nie hoge Maar zijn voeten, zijn krachten, zijn dromen 't was al kapot Gazetten verkopen en bedelen Ach vent, wa brengt dat ip Maar 't beetje dat ie verdiende Stuurt ie maand'lijks naar zijn moeder en vader ip Brieven durft ie nie schrijven, 't is best dat een moeder niet weet Dat eur zeune voor 't overleven lijk nen dief, nen dief, nen dief van anderen steelt Achter dertig jaar een berichtje Uw moeder is stif ziek Ah god, ie wilt heur nog zien, hey nichtje, ei j' geen beetje geld misschien Ie vulde zere nen zak Kocht een kostume voor de schone schijn Laat dien boot nu maar rap te water En haast u, haast u, haast 'k meug niet te late zijn En ja, ie kwam nog ip tijd En zijn moeder fluistert al bevend Uw gemis was nauwelijks te dragen Maar chance van de brieven da j' eit geschreven 't Gaf troost te weten dat 't goe ging Da j' succes had en veel geld En heur laatste woorden klonken stille, 't Was nie mijn, nie mijn, 't was uw geluk dat telde Zijn vader biechtte ton ip 'k Hoop da je 't mie vergeeft Uw moeder zag teveel af Omdat je d' eerste jaren niets van kaartjes schreef 'k ei ton maar gedane alsof Iedere maand schreef ik zelve nen brief Van liefste mama 't ga goed hier Veel groetjes van uw zeune lief