دوامة

يوميا علي الله بصحي بدري زي العواجيز بعترف إن سني صغير بس شايل حمل كبير عقلي بيكبر شوفت كتير الحمدلله إني وعيت إن الدنيا مبتوقفش غير علي اللي معاه مليم يوم أبقي شايل باكو ويوم سايبها ع العليم بتقولي إنك جمبي بس مين هيشيل خشبتي مين كله عنده رجل تشيله أو اللي شايله عكازين يومياً بسأل هي الدنيا موديانا علي فين المراهقة بتاكل فيك بس بتوعيك إن الفرحة دي مش ليك محدش عارف انت مين محبوس جوا ثقب أسود وسط شوية ناس ضايعين دوامة الإكتئاب بتيجي تدوخ فيك ملهاش عزيز قوقعتك السوداء بتضمك تعصرك عصر التعابين واحنا في عصر النهش بصحي أفكر هاكل مين ياريتني كنت لسا صغير كان زماني لسا في الطين ايه اللي جابرني إني أعيش وسط شوية مجانين متقولش مخي ضارب عشان التفكير متضارب كواكب جوا دماغي فاعتبرني مخبي عطارد زي ما مخبي كتير وشايل وأهو محدش لاحظ انت شايف إني أتنشن بس ركز هتلاحظ إني بحكي اللي جواك لو انت شغال مش عاطل كون إن انت شايل نفسك من دلوقتي وبتماطل اعرف إنك ماشي صح مش ضروري تبقي خارق سيبها بس علي المولي ومتفكرش فيها خالص داخل علي دوامة والمفروض أشيلها لوحدي محتجتش حد يشيل معايا احتجت بس أحكي سيب مساحتي فاضية زي مشاعري محدش كان معايا منهم ولا حتي كان جمبي وأديني ساكت هو انتي لسا بتحكي عني؟ كبرت وبقيت راجل المفروض تعرف تخبي في شرع مين؟ مش حاسس شئ وأنا بأدّي مش هيهدالي بال إلا وأنا في جيبي عقدي شاب لكن عمري ألف عام وحيد بس بين ضلوعي فيه زحام خايف ولكن خوفي كله مني أنا أخرس ولكن جوا قلبي مليان كلام شاب لكن عمري ألف عام وحيد بس بين ضلوعي فيه زحام خايف ولكن خوفي كله مني أنا أخرس ولكن جوا قلبي مليان كلام وأنا بحكيلك نصي المظلم دلوقتي علي هيئة تراك عاوزك تفهم الحياة عبارة عن بلاك في بلاك بشتغل حتي وأنا قاعد جوا البيت والكافيهات دلوقتي بس فهمت بابلو لما كان بيغني وقال دماغ شغالة مش بتنام صاحبي فكك من العلام حاجتين متقربش منهم مخدرات و النسوان أكتر نعمة بحمد ربي عليها نعمة النسيان دلوقتي تبقي غبي لو لسا مفهمتش الكلام أنا آسف بدوس ع الجرح عشان متبقاش متخاذل من سن ال18 وأنا ظهري أصبح متآكل لو فاكر إنك مظلوم انشف يلا لسا هتقابل محدش فيهم عادل محدش فيهم لسا قابل شخصك كما هو كله فاكر إنه لازم يشكلك علي مزاجه بس إياك تسمح بذلك واللي يقولك اعمل كذا اديله في وشه بالكزالك لذلك اسمع مني خبر عاجل قررت أنا أيكونك من موقعي هذا أبطل تقل علي البشر وأمتنع عن الغلاسة وأركز مع كل اللي ظالمني أنزل علي راسهم بالإزازة فمتسألنيش لماذا مرايتك دي خداعة كانت چاست انعكاسة خارجية بس من جوا كل يوم افتكاسة كل يوم انتكاسة حظي خرا سعادة الباشا تايه وسط ماتريالز كأني محبوس جوا فلاشة بتلاشي أي حاجة تغير مودي للأسوء محدش غيرها عرف يغير مودي للأروق فرحان بفلوس أبوك بس الشكل مبهوق روق عشان محدش واخد منها حاجة لما زادت المزاجية رميت مشاعري في التلاجة أصوات كتير بتدور حواليا ييجي بتاع 2000 نداهة وأنا قاعد مندهش مرسوم علي وشي ملامح بلاهة التراك دا حياتي لو انت فاكرني بهزي تفاهة شاب لكن عمري ألف عام وحيد بس بين ضلوعي فيه زحام خايف ولكن خوفي كله مني أنا أخرس ولكن جوا قلبي مليان كلام شاب لكن عمري ألف عام وحيد بس بين ضلوعي فيه زحام خايف ولكن خوفي كله مني أنا أخرس ولكن جوا قلبي مليان كلام