Libera me: Absolutio

Libera me, Domine, de morte æterna in die illa tremenda, * quando cæli, movendi sunt et terra. V. Deus, vita viventium, spes morientium, salusque omnium in te credentium, miserere omnium ex hac luce migrantium. * Quando cæli, movendi sunt et terra. V. Tremens factus sum ego et timeo, cum discussio venerit atque ventura ira. * Quando... V. Dies illa dies iræ, dies calamitatis et miseriæ, dies magna et amara valde. * Quando... V. Dum cælum mutatur, et terra movetur, tunc veniet Sanctus sanctorum in nubibus cælorum, ostendens vulnera sua. O quam felix anima, quam levat iustitia, dicens in gaudio viso suo Domino: miserere mei, miserere mei, tu mea spes, iustorum et requies, Sancte, suscipe me. * Quando... V. Quam dulcem vocem audient iusti, quibus dicetur: Venite, benedicti Patris mei, percipite regnum, quod vobis est paratum. * Quando... V. O, Domine, Rex regum, imaginem tuam ne deseras, sed potius miserere, quam irascaris. * Quando V. Sancte Michael archangele, libera, Domine, animas omnium fidelium defunctorum de manu Belial. Defendet eas Jesus Christus, hic et in futuro, amen. * Quando cæli, movendi sunt et terra. V. Dum veneris iudicare sæculum per ignem, * quando cæli, movendi sunt et terra.