Inig

Cfiɣ asmi meẓẓiyeɣ Laxyal-im yezdeɣ allen-iw Ttarguɣ bɣiɣ ad inigeɣ S inig iεelleq usirem-iw Yid-m ayen akk sɛeddeɣ D aktayen iḥerzin wallaɣ-iw Cfiɣ ɣef taddart-nneɣ Asmi zehhuɣ d tezyiwin-iw Yid-sen aṭas ay urareɣ Yid-sen sεeddeɣ temẓi-w Seg wasmi i d-unageɣ Ur tent-teẓra ara tiṭ-iw Cfiɣ ɣef tinna ḥemmleɣ Yid-s tezha temẓi-w Cfiɣ asmi i as-gulleɣ Niɣ-as : « kemm-i d rruḥ-iw » Ass-a, ɣur-s ur uɣaleɣ Ǧǧiɣ-tt mebla lebɣi-w Ǧǧiɣ-kem a tamurt-iw S leḥzen d imeṭṭawen Ǧǧiɣ-k ay axxam-iw Zedɣeɣ anda nniḍen Ǧǧiɣ-k ay adrar-iw D ayen ! Ǧǧant-k wallen Ǧǧiɣ tafat n yiṭij-iw Tinna iyi-tteggen ifadden Asigna yeddel zzher-iw Itri-w ur tẓarrent wallen Kumseɣ aktayen n temẓi-w Snagareɣ deg yimeṭṭawen Ǧǧiɣ tinna ḥemmleɣ Yal ass ẓerreɣ deg wallen-is Taḍsa-nni-ines nnumeɣ Tesmektay-iyi-d udem-is Asmi akken i d-unageɣ I ẓriɣ, jerḥeɣ ul-is Akka i yura fell-i Yal wa d tawaɣit i as-yezzin Ǧǧiɣ yal ci deffir-i Ǧǧiɣ-t melba tuɣalin Ǧǧiɣ izenqan d leḥwari Ǧǧiɣ ula d lwaldin