Yir Tadukli

.Nbeddel aṭas, aṭas Nbeddel mačči ciṭuḥ Gar-aneɣ neẓẓa tilas Gar-neɣ qqazen leǧruḥ Yalwa ijebbed ar tama-s Nebḍa am yibawen ɣef lluḥ Taqbaylit tejreḥ tasa-s Yettru llufan di dduḥ .Anda-kem a tagmat ɣiwel Uqbel ad ifat lḥal Anda-k a ṣṣwab a leεqel Anda akken ay at-wawal Ayen i nugi ad neddakel Gar-aneɣ nettrebbi ccwal Neččur d tismin akked dɣel Alami i aɣ-yewwi uḥemmal .Err-d awal a taqbaylit A tinna i aɣ-yesdukkulen Gar-aneɣ teḍra twaɣit Amzun mačči d atmaten Wagi yelha, wa dirit Yal wa d afus i t-yewten Win yufan gma-s yečč-it Fell-aɣ ḍsan yiεdawen .Yettwaggad uzekka-nneɣ Aḥlil-ik ay ameɣbun Nessefraḥ deg yiεdawen-nneɣ Armi i aɣ-d-wwḍen a lkanun Nettu ɣef wacu nettnaɣ Yuɣal waɣyul d aserdun A neqqaz aẓekka-nneɣ Aru-t a wid iceffun