اربعين [Original]

صدق اربعين من الشبه يخلق الله الا انت واحد دون تسعه وثلاثين من يشبهك يا مالك الحسن كله من يشبهك ياسيد كل المزاين يابو رموشٍ فوق خدك مظله عقبك غدو كل المزاين مساكين واللي يبي ينافسك بالزين قله تبطي تنافسني على الملح والزين قلبي حلالك املكه واستحله حلالك لحالك ولا فيه ثانين اقسى القلوب الين شافك تتله ينسى القساوه يا هوى القلب ويلين والهرج عنك ان طال والله مامله ما امل لو سولفت انا عنك سنين واحد وطير خافقي من محله وشلون اجل لو فيه تسعه وثلاثين