GXR

ڨلّي عمرك ريت بلاد مخُوزقة وتضحك مبلي شعب الخرا للكرومة همّو يتفزعك وضعك جناح طيّارة للعادي وسارڨ نبعك مخّك مغيّب طرف وحارة والذّيب اللي فجعك أدعك صف ادارة وانتخاب علّوش اللّي نطحك مبروك ڨطّوس في شكارة وعينك كي طمزها صبعك ربعك، حبس وقهوة وشوراع تلمّ وطبعك كان حشّام سربي العروڨ السّم ڨلبك واحل منڨالة ما بغاتش تدور عمرك راحل جيبك قاحل وأرضك بور حلمك تڨطّع الخلاخل وتنڨّز السّور فلوكة في موج السّاحل وارحل للمجهول يا البابور ش لمّيت عباد وكسّرت فلايك مليانة، صحّة جنيدة كي ڨمّرت ولد الحفيانة ڨاتل خوه في خاطر غرد مبروك ضحّكت الذّيب تو في موتك يرمي الورد شكون اللّي باعها، شكون اللّ خان ذراعها شكون ڨلّع اطنابها وزوّز الذيب لمراحها خلّي يڨولو ڨلبي ناقم ڨلبي أكحل أني اللّي زرعتو ثاروا تسعين يوم في عمري مدكتل والحكايات اللي صاروا ما ننساش كي مخي يهبل أني اللّي دهمتو دارو وبعد تڨولو كيفاش نجهل شوفة لمّيمة ما ننساها وخوف عينيها يا بلاد من كثر بلاها دارت تاكل في ذراريها حتى الذل واتاها واللي يجي بساڨو يعطيها وصحّة للبراني كي كلاها وجاعت ماليها سلامي للكامور بولحبال وناس الصّح سلامي للّي باڨي ما سلّم واڨف ينصح رجال ما تطيح لتالي رجال ما تجيب الرّخ ّبلاد لتضوي عالبرّاني خرابها وفوك الضّخ شكون اللي شايف خيرها شكون اللي فينا خالط شكون اللي سڨاتو بيرها حتّى لو بدمّو حمارت شكون سلّت سفيرها كيف المصيبة صارت كل غابة تعرف صيدها وكلّ كبّول يڨول مخالط أني اللي غالط كانك في نهار لڨيت الحل وكان ولد الوزير مات ساعة صيام في جبل وكان العيشة في تونس ما فيهاشي طعم الذلّ وكان اللي حاكمين فينا مش بايعينا وزرعو الغلّ