يا عمري

عذروني البعاد وحبابي حطوا في عنقي سيف تقسم المظل في اليد وخدلني بريح خفيف أجي تقرا كتابي نسّيك شمس المعاريف نتدفى بالبرد ونتغطى بسمرة العصيف الأيام والأعوام تحكي وتعاود ظروفي فيّ يا حنينة شوفي وحسي بالجراح اللي في جوفي عايم والعوام البحر ما يشوف لا خوفه ولا خوفي والأمواج تغرق وتنجي وخدّي تواسيه كفوفي راه في بالي شلَّى سنين واللي فات ومات ساهي وخيالي راح فين خليت الذكريات ماشي فين وجيت منين ومنين جراحي جات ما هي حكاية را حكايات اللي خلات رموشي حنات واش دمايات الجراح السايلة من جناح الطير ماشي كافية وما بقاش من الدم كثير والشمع ما بقات فيه عافية والفتيل شنو غيدير والدنيا غابة يا با شبت وباقي صغير مرة معايا ومرة عليّ ضربة في الزمان وضربة فيّ يا عمري فين ماشي بيّ ما تخافوش تغلب النيّة أنا اللي مرة معايا ومرة عليّ بغي نقول بلي ضربة في الزمان وضربة فيّ طاير ومعلي يا عمري فين ماشي بيّ وخا من ولّي ما تخافوش تغلب النيّة جواري خالي وما ليّ ونيس من غير ظلي يا القمرة طلي راه ما جانيش النوم ليالي مكسور جناحي طاير ومعلي رايح ومخلي كل شي وعكس الأمواج نعوم جات الساعة باش العيون تحكي وتتكلم والشفار ينوب على اليدين ويرفض يسلم ما وفات حروف ولا كلمات وعقول تخمم بشوفات ندويو ونخليو القلب يتألم وبلا ميعاد في هاد المكان حضرت وجيت ما نسيت اللي بكاني واللي كرهني واللي بغيت خاين يا زهر وفوام تهضر تهدم اللي بنيت ويا ريت يا عمر نقدر نعيش كيف ما تمنيت وإذا جيت (يا عمري) في منامك يا اللي مغمض العيون باش نضوي بيتك (يا عمري) لا كان مظلام وبلا لون مرة معايا ومرة عليّ ضربة في الزمان وضربة فيّ يا عمري فين ماشي بيّ ما تخافوش تغلب النيّة أنا اللي مرة معايا ومرة عليّ بغي نقول بلي ضربة في الزمان وضربة فيّ طاير ومعلي يا عمري فين ماشي بيّ وخا من ولّي ما تخافوش تغلب النيّة