Philosophia

Ich ha mi solang vor allne und mir sälber versteck Mis wohre Gsicht nit nume mit dä Händ verdeckt Sondern mitme falsche Verhalte Ha nit gwüsst wieni mini Emotione söll verwalte Glichgültigkeit isch e Teil vo mim Charakter worde Jede Morge bini innerlich e bitzeli gstorbe Ha d'Wält verfluecht Nur uf mi sälber gluegt Und au das nit würklich guet E Läbe voller wuet Bi gstande wie uf Gluet Was mir gfehlt het isch dr Muet Nur eimol in mim Läbe Druf lose was mi Härz versuecht mir z'säge Mich nit immer nur drgege sträube Jede Tag betäube D Wohrheit sie duet meistens weh Doch durch sie chasch du mit de eigne Auge gseh Was eigentlich so offesichtlich isch Wenn du eimol nur für ei Sekunde ehrlich zu dir sälber bisch Doch eifach ischer nit Dr aller ersti Schritt Es isch schöne Tag, am Himmel keini Wulche 30 Grad, uf dä Fälder blühe Tulpe Und keine womi stresst Glücklich si kei Näbequest Sondern s'Hauptziel im Läbe Also los dir das vo nüt und niemerem verdärbe Nit dr Starki haltet lang dure, wär lang durehaltet dä isch stark Ende dien mir alli inre Urne, oder im Sarg Untrem Bode imne Grab Aber bis zu däm Tag Gosch di eigene Pfad Hesch sälber in dr Hand Fahrsch dr Charre ine Wand Stecksch ihn in Brand Setzisch alles in Sand Oder rissisch di am Rieme Und bringsch alles ins Griene Lernsch die sälber wieder liebe Hörsch uf dini Frau betriege Lohsch d Finger vode Droge Suffsch nit immer jede Obe Vorem schlofe none große oder zwei Nit 24/7 high Blibsch au mol dehei Nimmsch dr Ziit für dich ellei Mentali Energie tanke Machsch dir paar Gedanke Und ich schwör dir, es wird dir bald scho besser goh Es isch wirklich so, du wirdschs vo sälber verstoh Wenn d Dunkelheit verschwindet Durchs helle Liecht erblindet Denn dänksch an mich und weisch, du hesches überwindet Es isch schöne Tag, am Himmel keini Wulche 30 Grad, uf dä Fälder blühe Tulpe Und keine womi stresst Glücklich si kei Näbequest Sondern s'Hauptziel im Läbe Also los dir das vo nüt und niemerem verdärbe Es git nüm viel zum säge S'läbe isch so wiene Stäge Es goht ufe und abe Mängmol fehlt dr Luft zum schnuufe Mängmol fühlsch di erhabe Aber ufgeh isch kei Thema Man das settsch jetzt langsam gseh ha Los di Chopf nit loh hänge Hör uf alles verdränge Und stell di dine Geister Weil du bisch do Meister Los di Alltag nit bestimme Vo irgendwelche Stimme Wo usem Handy usedringe Und di durenander bringe Ich tön mit nonig mol 30, scho wie eine vode Alte Ha zwar no keini Falte Aber wenn sie den mol chöme Dene wirdi mir se gönne Ohni drüber noch dänke Hätti öppis chöne ändre Oder anderst ume länke Zum d'Summe vode schlächte Erläbniss chli z'sänke Weil d'Vergangheit us mir gmacht het was ich jetzt bi Was gsi isch isch gsi Und was cho wird wird no si Hauptsach Covid isch vorbi Es isch schöne Tag, am Himmel keini Wulche 30 Grad, uf dä Fälder blühe Tulpe Und keine womi stresst Glücklich si kei Näbequest Sondern s'Hauptziel im Läbe Also los dir das vo nüt und niemerem verdärbe