Miraç Bahri

Sahibul hülleti vet tac ve rakibül bürakı fi leyletil mirac, Hazreti Ahmedi mahmudü Muhammed Mustafa ra salavat! Söyleşirken Cebrâil ile kelâm Geldi Refref önüne verdi selâm Aldı ol şâh-ı cihânı ol zamân Sidre'den gitti ve götürdü hemân Bir fezâ oldu o demde rûnümâ Ne mekân var anda ne arz-u semâ Kim, ne hâlidir, ne mâli, ol mahal Akl ü fikr etmek o hâli fehmü hal Ref' olup ol şâha yetmiş bin hicâb Nûr-ı tevhîd açtı vechinden nikâb Çünki kamûsun görüp geçti öte Vardı îrişdi ol Ulû Hazrete Şeş cihetden ol münezzeh Zülcelâl Bî kemû-keyf âna gösterdi Cemâl Âşikâre gördü Rabbü'l-İzzetî Âhiretde öyle görünür ümmeti Bî-hurûf-ü lâfz-u savt ol pâdişâh Mustafa'ya söyledî bî-iştibâh Dedi kim matlûb ü maksûdün benem Sevdiğin cân ile mâbûdün benem Gece gündüz durmayub istediğin Nola kim görsem cemâlin dediğin Gel habîbim sâna müştâk olmuşam Cümle halkı sâna bende kılmışam Ne murâdın vâr ise kîlam revâ Eyleyem bir derde bin türylü devâ Mustafâ dedi: 'Eyâ Rabbe'r-Rahîm Vey hatâ pûş ü atâsı çok kerîm Ol zaîf ümmetlerim hâlî nola Hazretîne nîce anlar yol bula Gece gündüz işler isyân kamû Korkarım ki yerleri ola tamû Yâ İlâhî, hazretinden hâcetim Bûdurur kim ola makbûl ümmetim” Hak-Teâlâdan erişdi bir nidâ: Yâ Muhammed ben sâna kıldım atâ Ümmetini sâna verdim ey habîb Cennetîmi anlara kıldım nasîb Zâtıma mir'at edindim zâtıni Bîle yazdım âdım ile âdıni Hem dedi kim: 'Yâ Muhammed ben seni Bilûrem görmeğe doymazsın beni Avdet edûp davet et kullarımı Tâ gelûben göreler dîdârımı Sen ki mi'râc eyleyûb etdin niyâz Ümmetin mîrâcını kıldım namâz” Tarfetül-ayn içre ol Fahr-i cihân Ümmühân'ın evine geldi hemân Her ne vâki oldu ise serteser Cümlesin eshâbına verdi haber Dediler: 'Ey Kıble-i İslâmü dîn Kutlu olsun sâna mîrâc-i güzîn Allâhümme salli alâ seyyidinâ Muhammedinillezî câe bilhakkıl mübîn ve erseltehû rahmeten lil âlemin. Yâ İlâhî, ol Muhammed hakkı çün Ol şefâat kân-ı Ahmed hakkı çün Ol gece söyleşîlen söz hakkı çün Ol gece Hakk'ı gören göz hakkı çün Yâ İlâhi, saklagıl îmânımız Verelim îman ile tâ cânımız Sâna lâyık kullarınla hemdem et Ehl-i derdin sohbetine mahrem et Hem Süleymân-ı fakîre rahmet et Yoldaşın îmân makâmın cennet et Yâ İlâhi, kılma bizi dâllîn Bu dûâya cümleniz deyin âmîn Ümmetinden râzı olsun ol muîn Rahmetullâhi aleyhim ecmâin