¡Probiquina!

Esmúcese ente les flores Seliquín la fonte clara Y llarimines esbarien Pe´la mexiellina pálida De la rapaza melguera De la neñina galana Que mira tristi colar Ente les roses del agua ¿Qué terná la probitina Que perdió collor y gracia Desque cantó un paxarín Una tarde en so ventana Pos dexa los riziquinos Vagar pe´la frente blanca Y mira tristi riscar Pel saliente l´alborada? Llora soliquina llora Magar la tarde apigaza Ya no canta ya non ríi E´tá bien aflipayada Fálteni los colorinos Y da tristeza miralla Ya los güeyinos azules Non allegren la quintana Esteláronse na nuichi De lluna tranquila y plácida ¡Ay de la probe neñina La de carina amusgada! Quieren facer sos manines Una blanquina mortaya ¿Qué terná la probitina Que perdió collor y gracia Desque cantó un paxarín Una tarde en so ventana Pos dexa los riziquinos Vagar pe´la frente blanca Y mira tristi riscar Pel saliente l´alborada?