Dioego

Diego Te ne si' gghiuto troppo Ampresso Comm' 'o mare ca' s'arretira Aroppo 'a tempesta C'hai lasciati sule a te chiagnere 'Mmiezo 'e macerie Pensanno ca' senza 'e te ce Sarranno troppe mareggiate nere Pecche' chistu rulore ca' purtamme 'Mpietto E' n' ira funesta ca' nun s' arresta Ma trase dinto e jesce alluccanno 'a Agni poro dda' pelle Comme fossero feneste Ogni gesto tuoje erano gesta, cu' Chelli cosce leste E gia' sulo 'a presenza e' stato nu' Riscatto, nu simbolo Nu' manifesto Si' stato overo l'idolo de' cchiu' Povere da' terra Tu ca' si venuto 'a dinto 'a povera Ma nun te' maje menato pe' terra Rerite, rerite, vuje ca' rerenne M' hate addummannato Ma chi e' muorto, nu' frate, nu' Pate, nu' zio, chi ato? E che vaggia dicere, se ne' gghiuto Uno de' poche a cui overo amma Essere grati Pecche' ha mantenuto ogni Prumessa ch'e c' ha dato Se ne' gghiuto Diego, 'o nummero Diece 'o scugnizzo che capille ricce Fragile comm' 'a 'na roccia 'O cchiu' grande astro se' ne' Gghiuto 'o stesso juorno 'e George Best e Fidel Castro Nu' rivoluzionario Argentino Comme 'a Ernesto, nu' pilatro Na' stella ca' m'abbaglia, commo 'a Sti lacreme me bbagnane luocchie Ca' nunn' s' 'ngannano ma cagnano 'A storia Ca' pare essere nu' macigno ca' te Rimmane 'nganno Pecche', ce sta chi chesta 'mpesa s'a Sparagnia 'E chi' d'a famme pe' 'sta fatica S'affanna E mo', comm' 'e cuntamme l'anne? Certo 'e jucate toje ce mancano Ma ancora 'e cchiu' 'a vocia toja Addo' ssti core s'hanno ancorate e 'O curagge Pe' ghi' annanzo hanno cercato 'E parole toje hanno difeso l'onore 'E 'gli emigranti D'a gente d' 'o nord C'a c'ha sempe chiammate terrone, Spuorche, ignorante 'E piatte vacante Hanno difeso 'o popolo 'e l'Argentina Ca' cu' duje gol contro 'a regina S'arrepigliaine pe' 'nu juorno 'o Sanghe de' Malvine 'E nun fuje solo pe' na' mana Divina Hanno difeso, Cuba, Bolivia, Venezuela, Palestina E tutta l'america latina 'E criature do' terzo munno, ca' Palliggiano scaveze dint' 'o fango Cu' 'na frutta comme pallina Hanno dato lustro 'e dignita' 'o Popolo Napulitano Comme maje nisciuno prima Nu' popolo ca' tene na' terra e na' Riva, ma addo' 'a ggiustizia divina, Nun adduvina e maje arriva E allora, penso Si 'e ssante veneno pesate pe' Miracule c'hanno praticato Dico, pure tu granda cose 'e criato, dinto 'a ssett' anne ca' lloc' 'nterra Si stato Mmiezo 'a nuje, mica sulo 'ngoppo 'A nu' prato Tu ca' nu' Dio, nu' Re', 'na patria, Nu' stato pe' nuje si' stato Pure pe' cchiu' peccerille ca' nun T'hanno maje visto Ma 'a mamm' 'e 'o pate t'hanno Amato Oggi 'na fotografia toje se l'hanno Vasato Tu ca' pe' sempe ch' 'ai signato, e Nun se tratta sulo 'e nu' pallone ca' Meglio 'e l'ate 'e jucato Guardate, chisto nun 'e sulo nu' Dipinto, ma ogni pennellata E' na' lacrema ca' tenimmo ancora 'Nzerrata 'a dinto E' nu' pallunetto, e' na' finta, e chi Era destinato 'a essere L'ennesimo pover' omme estinto, Anonimo senza nomme Ma che invece ha ditto 'a soja e ce L'ha fatta, cu' ammor E grinta