El Barbun

Mi fo al barbun a la staziun Dormi par tera su un cartun Cun 'na cuerta in d'un cantun Cun mi a parla mai nissun Mi fo al barbun a la staziun So gnanca pu se l'è el saun Però ve disi che mi sum l'istess content de ves al mund Sto li matina e sira a vide la gent passà Vide cume che curen cume in tucc indafarà Poeu ghe' di personagg e situazion tant divertent Che l'è anca mei dal cinema peu custa propi nient Ghe' quei che pasan via fan gnanca finta de guardàt Chi fa na facia cume se l'avessan vist un rat Chi gira el co' e poeu te lancia un oeuc de cumpassion Nissun però che sgancia gnanca l'ombra d'un butun Mi fo al barbun a la staziun Dormi par tera su un cartun Cun 'na cuerta in d'un cantun Cun mi a parla mai nissun Mi fo al barbun a la staziun So gnanca pu se l'è el saun Però ve disi che mi sum l'istess content de ves al mund Tutt i dì gh'è una quai sciura cunt una burzeta scura Cun su di leter tant me fus un lìbar da la scoeula Vestiva a alla gran moda me un mudel de la boutique Cunt un fa che la pensa "A ma guardaràn tucc mi" E mi me divertisi a pensa che el me sachet Servis a met dent la roba tal e qual i so burzet E anca lu al ga su una letera e mi me pias un mucc Perchè l'è russa e bela lunga e la cugnusen tucc. Mi fo al barbun a la staziun Dormi par tera su un cartun Cun 'na cuerta in d'un cantun Cun mi a parla mai nissun Mi fo al barbun a la staziun So gnanca pu se l'è el saun Però ve disi che mi sum l'istess content de ves al mund Poeu ghe certa giuentù d'incoeu: In gir a mucc tusan e fioeu Cunt dent di ciod in da la pell Visti de negher, piin de caden senza cervell Di alt a van in gir cun foe l'elastic di mudand La sigareta piza a fa vide ch'in già nii grand Cui scarp tutt dislaza' cumpagn de mi che sum barbun Poeu parlan 'na manera che ghe tiraria un sgiafun Gh'è quei che pasan via che par che parlen de per lur G'han un fil in da l'uregia a parla l'è el diretur Giaca cravata burza chel urari chel tragitt Se creden important ma mi me paren tucc giuppitt Insomma pudaria anca scriv un lìbar tutt i dì Cun quel che vedi semper passà chi davanti a mi Però ho capì na roba mi g'avrò anca nagot Ma curi mia e se voeuri sto chi semper seta giò Mi fo al barbun a la staziun Dormi par tera su un cartun Cun 'na cuerta in d'un cantun Cun mi a parla mai nissun Mi fo al barbun a la staziun So gnanca pu se l'è el saun Però ve disi che mi sum l'istess content de ves al mund