L'abrunzadura

Una matina de genar intant che'ndavi a laurà In mez a tanti facit smort n'ho vedu vun brusata Dopo un po' go dumandà sarà anca stada una figura Se servis avegh tut l'an una bela abrunzadura El me dit 'ndua te vivet Ma da 'ndua te saltat foeu Se capis che sé ignurant de la moda che ghè incoeu Des te spieghi cusa fem nun che sem emancipà Pomeriggio apena dopo ch'em finì de laurà Se vistisum se petenum peu se fiundum gio' de cursa In da l'estetica de sota a impieni de crem la burza Cunt una sciarpeta vieula che cul frecc servis a nient L'impurtant l'e' che se veda ben el sbarlusi di dent Mi ghe disi che pensavi de ves mia poeu tant indrè Se taiavi i me cavei ogni du mes in del barbè Che 'na volta el me meteva su du dit de brilantina ma pareva de ves propi una bela figurina Brilantina un bel nagot des a fem di tratament Metum su certi prodotti che anca i ann a cuntan nient E ghem quei de met de dì e poeu quei de met de not Madumà su man e facia tant nisun a ta ved biot Se vistisum se petenum peu se fiundum gio' de cursa In da l'estetica de sota a impieni de crem la burza Cunt una sciarpeta vieula che cul frecc servis a nient L'impurtant l'e' che se veda ben el sbarlusi di dent Certo che par stag a drè ga de ves un bel impegn Te g'avrè di apuntament almen fin a l'ann che vegn Poeu chisà quanti daneè se servis a laurà Se te laset in beleza tut chel che t'hi guadagnà L'apparenza non ha prezzo el me dis me un pà al so fioeu L'e'la roba che la cunta pu' che tut al di d'incoeu L'è per quel dopo al laur nun fem semper tut i dì Quel che mi t'ho già spiegà quello che t'ho apena dit Se vistisum se petenum peu se fiundum gio' de cursa In da l'estetica de sota a impieni de crem la burza Cunt una sciarpeta vieula che cul frecc servis a nient L'impurtant l'e' che se veda ben el sbarlusi di dent Tra mi e mi intant pensavi ma chisà cuma te fè Andà a fas neta la facia fas taia i ung di pè A pensa dumà al da foeura tant nisun ved el da dent Ma 'del to se ved benissim che da dent gh'è denter nient Mi su no se g'ho rasun certament g'ho minga tort A ves puseè cuntent de ves vun de quei cul facin smort