حنا سعوديين [Original]

حنا سعوديين صلفين وشداد من ماضي الدنيا ليوم القيامه النا مقاليد الوفا شعب وبلاد والنا ملوكً يعشقون الزعامه صقر الجزيرة تثمر أمجاده أمجاد وأسمه يزيد المجد مجد وفخامه عبدالعزيز وطاري المجد ينقاد نور طوى جهل الزمان وظلامه حرً مواريثه من عيال وأحفاد توارثو نهجه وعزو نظامه ومليكنا سلمان ركن أمّة الضاد ومحمد إن جت للمواقف حسامه خلو صقاقير الجزيره فالاشهاد لتراثهم وتراث أهلهم مقامه لأهل الولع واهل النواميس ميعاد كلً دعا طيره وجوّد حزامه حتّى الصقور بقدرهم قدرها زاد حطو لها قيمه وقدر وكرامه الصقر لمصافح سما العز معتاد وتشوف فيه من السعودي علامه ياخذ من اوصاف الأكارم اليا جاد وياخذ من اوصاف الشجاع الصرامه شوفه لعشاق الولع عز وأعياد وحبّه لعشّاق الشهامه شهامه