Sadyang Ganyan

Dama na ba ang pagod at hirap sa paghakbang? Laging asa sa bahala, puro Batman na lang? Kung pwede lang sana, kalimutan na ang problema Lahat tungkol sa pera, trabaho, pati pamilya Pati sa mga tropa, mga nasa social media Diskarte para kumita, parang di mo na makita Pero okay lang lahat, sapak pag ikaw ay sinipa Tandaang mga bida'y laging gulpi sa simula Dadating ang panahon na tatawanan mo na yan Lilingon sa nagdaan, sa inakyat mong hagdan Nandoon bawat yapak lahat kinayang banggain At pagtapos umiyak, lilinaw na ang pagtingin Kaya tantsahin mo lang lalo't malalim ang bangin Kahit hangin matangay, lahat kaya mong harapin Tibayan puso at isip, parang bato na rin Hanggang wala ng bala na hindi mo kayang tanggapin Buhay ay sadyang ganyan, di laging pagbibigyan Lahat paghihirapan mo, ganyan talaga dito sa ating mundo Dahil buhay ay sadyang ganyan, uy pare easyhan lang! Kahit gaano kapait, kahit anong sakit, ang pangarap mo'y makakamit Tandaan mo na kahit pa masama at malala binabato sayong pagsubok Tumuloy sa pagbulusok at pilitin na mahubog Tulungan ang sarili paakyat, nang hindi ka nahuhulog Nangyari din sakin yan lahat. Pakiramdam kontra ang lahat sa hangad na pag-angat Pero di ako tumigil bagkus lalo lang nanggigil Patunay na sa pangarap ay walang makakapigil Basta laging tandaan puno man ng galak Sa iyong tinatahak, basta di nakakatapak Ng tao, wag mong isarado, ang iyong utak, maging sensitibo Sa nararamdaman ng iba, dahil di ka mag-isa At marami pa sila, na tahimik dumigma Lampasan ang unos sa pakikipagtuos Magpakumbaba at ika'y iaangat ng Diyos Buhay ay sadyang ganyan, pero pag pinagbigyan Ramdam mo na ang saya, sa mga bagay nakamit mong mag-isa Dahil ang buhay ay sadyang ganyan, wag kang panghinaan Ng loob, di ka kayang ilubog Sikap lang, di ka mapapataob Buhay ay sadyang ganyan, di laging pagbibigyan Lahat paghihirapan mo, ganyan talaga dito sa ating mundo Dahil buhay ay sadyang ganyan, uy pare easyhan lang! Kahit gaano kapait, kahit anong sakit, ang pangarap mo'y makakamit.